Khizar-e-Rah ( خضر راہ )

ALLAMA IQBAL

(Bang-e-Dra-161) Khizar-e-Rah

(خضر راہ) 

                                                                       Shayar                                                                                  

                                                                           

 Khizar-e-Rah 

Khizar-e-Rah

Sahil-E-Darya Pe Main Ek Raat Tha Mehv-E-Nazar
Gosha-E-Dil Mein Chupaye Ek Jahan-E-Iztaraab

Shab Sakoot Afza, Hawa Asoodah, Darya Naram Sair
Thi Nazar Heeran Ke Ye Darya Hai Ya Tasveer-E-Aab

Jaise Gehware Mein So Jata Hai Tifle-E-Sheer Khawaar
Mouj-E-Muztar Thi Kahin Gehraiyon Mein Mast-E-Khawab

Raat Ke Ufsoon Se Tair Ashiyanon Mein Aseer
Anjum-E-Kam Zou Giraftar-E-Tilism-E-Mahtab

Dekhta Kya Hun Ke Woh Paik-E-Jahan Peyma Khizar
Jis Ki Peeri Mein Hai Manind-E-Sahar Rang-E-Shabab

Keh Raha Mujh Se, Ae Joya’ay Asrar-E-Azal !
Chashm-E-Dil Wa Ho To Hai Taqdeer-E-Alam Behijab

Dil Mein Ye Sun Kar Bapa Hangama’ay Mehshar Huwa
Main Shaheed-E-Justujoo Tha, Yun Sukhan-E-Gastar Huwa

Ae Teri Chashme-E-Jahan Been Par Woh Toofan Ashkar
Jin Ke Hangame Abhi Darya Mein Sote Hain Khamosh

‘Kashti-E-Miskeen’-O-‘Jaan-E-Paak’-O-‘Diwar-E-Yateem’
Ilm-E-Musa (A.S.) Bhi Hai Tere Samne Hairat Farosh

Chorh Kar Abadiyan Rehta Hai Tu Sehra Naward
Zindagi Teri Hai Be Roz-O-Shab-O-Farda-O-Dosh

Zindagi Ka Raaz Kya Hai, Saltanat Kya Cheez Hai
Aur Ye Sarmaya-O-Mehnat Mein Hai Kaisa Kharosh

Ho Rahah Hai Asia Ka Kharqa-E-Dairina Chaak
Naujawan Aqwam-E-Nau Doulat Ke Hain Peraya Posh

Garcha Iskandar Raha Mehroom-E-Aab-E-Zindagi
Fitrat-E-Iskandari Ab Tak Hai Garam-E-Nao’ay Nosh

Baichta Hai Hashmi Namoos-E-Deen-E-Mustafa (S.A.W.)
Khak-O-Khoon Mein Mil Raha Hai Turkaman-E-Sakht Kosh

Aag Hai, Aulad-E-Ibraheem (A.S.) Hai, Namrood Hai
Kya Kisi Ko Phir Kisi Ka Imtihaan Maqsood Hai !

1. Khizar-e-Rah ( خضر راہ )

2. Jawab-e-Khizar (جواب خضر)

Bang-e-Dra-163) Tulu-e-Islam

Bang-e-Dra-163) Tulu-e-Islam (طلوع اسلام) 

Tulu-e-Islam 

Daleel-E-Subah-E-Roshan Hai Sitaron Ki Tunak Tabi

Ufaq Se Aftab Ubhra, Gya Dour-E-Garan Khawabi

Urooq-E-Murda’ay Mashriq Mein Khoon-E-Zindagi Dora

Samajh Sakte Nahin Iss Raaz Ko Seena-O-Farabi

Musalman Ko Musalman Kar Diya Toofan-E-Maghrib Ne

Talatum Haye Darya Hi Se  Hai Gohar Ki Seerabi

Atta Momin Ko Phir Dargah-E-Haq Se Hone Wala Hai

Shikoh-E-Turkamani, Zehan-E-Hindi, Nutq-E-Arabi

Asar Kuch Khawab Ka Ghunchon Mein Baqi Hai To Ae Bulbul !

“Nawa Ra Talakh Tar Mee Zan Choo Zauq-E-Nagma Kmyabi”

Tarap Sehan-E-Chaman Mein, Ashiyan Mein, Shakhsaron Mein

Juda Pare Se Ho Sakti Nahin Taqdeer-E-Seemabi

Woh Chashm-E-Paak Been Kyun Zeenat-E-Bargistawan Dekhe

Nazar Ati Hai Jis Ko Mard-E-Ghazi Ki Jigar Tabi

.................................................................

(Zarb-e-Kaleem-005) LA ILAHA ILLALLAH

(Zarb-e-Kaleem-005) LA ILAHA ILLALLAH 

(لا الہٰ الا اللہ) 

La Ilaha Illallah

Khudi Ka Sirr-e-Nihan La Ilaha Illallah
Khudi Hai Taeg, Fasan La Ilaha Illallah

Ye Dour Apne Baraheem Ki Talash Mein Hai
Sanam Kudah Hai Jahan, La Ilaha Illallah

Kiya Hai Tu Ne Mataa-e-Ghuroor Ka Soda
Faraib Sood-o-Zayan, La Ilaha Illallah

Ye Maal-o-Doulat-e-Dunya, Ye Rishta-o-Pewand
Butan-e-Weham-o-Guman, La Ilaha Illallah

Khird Huwi Hai Zaman-o-Makan Ki Zunnari
Na Hai Zaman Na Makan, La Ilaha Illallah

Ye Naghma Fasl-e-Gul-o-Lala Ka Nahin Paband
Bahar Ho Ke Khazan, La Ilaha Illallah

Agarche But Hain Jamat Ki Astinon Mein
Mujhe Hai Hukm-e-Azan, La Ilaha Illallah

(Zarb-e-Kaleem-062) Mard-e-Musalman

(Zarb-e-Kaleem-062) Mard-e-Musalman (مرد مسلمان)

Mard-e-Musalman

Har Lehza Hai Momin Ki Nayi Shan, Nayi Aan
Guftar Mein, Kirdar Mein, Allah Ki Burhan!

Qahhari-o-Ghaffari-o-Quddusi-o-Jabroot
Ye Char Anasir Hon To Banta Hai Musalman

Humsaya-e-Jibreel-e-Ameen Banda-e-Khaki
Hai Iss Ka Nasheman Na Bukhara Na Badakhshan

Ye Raaz Kisi Ko Nahin Maloom Ke Momin
Qari Nazar Ata Hai, Haqiqat Mein Hai Quran!

Qudrat Ke Maqasid Ka Ayar Uss Ke Irade
Dunya Mein Bhi Meezan, Qayamat Mein Bhi Meezan

Jis Se Jigar-e-Lala Mein Thandak Ho, Woh Shabnam
Daryaon Ke Dil Jis Se Dehel Jaen, Woh Toofan

Firat Ka Surood-e-Azali Iss Ke Shab-o-Roz
Ahang Mein Yakta Sift-e-Soorah-e-Rehman

Bante Hain Meri Kargah-e-Fikr Mein Anjum
Le Apne Muqaddar Ke Sitare Ko Tu Pehchan!

...........................................................................