Hum Ke Thehray Ajnabi Itni Madaraton Ke

Faiz Ahmad Faiz Poetry

Hum Ke Thehray Ajnabi Itni Madaraton Ke 

Baad

Phir Banain Ge Aashna Kitni Mulaqaaton Ke 

Baad ?

Kub Nazar Mein Aaye Gi Be-Daagh Sabzay Ki

 Bahaar

Khoon Ke Dhabbay Dhulain Ge Kitni Barsaaton

 Ke Baad ?

Thay Bohat Be-Dard Lamhay Khatam-e-Dard-

e-Aashiqui Ke

Theen Bohat Be-Meher Subhain Meherbaan Raaton Ke Baad

Dil Tou Chaaha Per Shikast-e-Dil Ne Mohlat 

Hee Na Di

Kuch Gilay Shikway Bhi Kar Laitay Manajaaton

 Ke Baad

Un Se Jo Kehnay Gaye Thay “Faiz” Jaan Sadqa

 Kye

An Kahee Hee Reh Gayi Wo Baat Sab Baaton 

Ke Baad